Nike VaporMax

Air VaporMax

Am Ufank war d'Air-Technologie vun Nike verstoppt an der Tëschesuel, 1987 war d'Air-Eenheet dunn duerch eng kleng Fënster um Air Max 1 ze gesinn, an 2006 gouf de Schaum an der Tëschesuel vum Air Max 360 komplett duerch Loft ersat. 2017 koum schliisslech mam Nike VaporMax e revolutionäre Sneaker eraus, deen engem beim Goen d'Gefill vermëttelt, fërmlech op Loft ze schwiewen.

Obschonn de VaporMax zu engem einfachen Design tendéiert, huet et ettlech Joren a ganzer fofzéng Versich gebraucht, fir d'Form vu senger Suel ze perfektionéieren. Ze verdanke war den Duerchbroch zwee Schlësselmembere vun der Nike-Ekipp: dem Cushioning Innovation Designer Zach Elder, deen dräi Joer um Polsterungssystem geschafft huet, an dem Tom Minami, dee fir d'Uewermaterial an den endgültegen Design verantwortlech war. Déi haart Aarbecht sollt sech lounen: Joren, nodeems Nike ugefaangen hat, u senger Air-Technologie – engem fuschneie System, bei deem déi revolutionär, komplett siichtbar Air-Suel mam Uewermaterial fusionéiert gouf – ze schaffen, gouf et endlech e Schong, deen d'Méiglechkeete vun dësem neien Usaz op hiren Héichpunkt gedriwwen huet.

Déi komplex Suel besteet aus méi ewéi 39.000 Komponenten. Wärend der Produktioun gëtt all VaporMax-Suel op Häerz an Niere gepréift, fir sécherzestellen, datt all eenzele Modell bis an de klengsten Detail de Virgaben entsprécht. Modeller, déi dësen Test net bestinn, gi vollstänneg recycelt an nees zu neie Suele veraarbecht.

Déi fäerdeg Suel vum Nike VaporMax ass op ganzer Linn eenzegaarteg: Se enthält eng Rei vun TPU-Asätz, déi funktionéiere wéi kleng Kolben. De Fouss üübt Drock aus, deen a mat Loft gefëllte Gummisréiercher geleet an esou gläichméisseg iwwer de Fouss verdeelt gëtt. Wann de Fouss vum Buedem opgehuewe gëtt, entweecht den Drock nees, wouduerch e Fiederungseffekt entsteet. Et ass dës Technologie, déi dozou féiert, datt den Air VaporMax sech an enger Klass fir sech beweegt.

Déi technologesch Errongenschaften an duerchsichteg, vun individuellen Air-Polstere gepräägten Ästhetik vum Elder sengem Air-Sole-Design ginn androcksvoll ofgeronnt vum Minami sengem eleganten Uewermaterial. D'Resultat ass e Sneaker, deen engem d'Gefill gëtt, op Wolleken ze goen. Ursprénglech koum de VaporMax an zwou änleche Faarwen eraus: eemol am simpelen, schicke „Pure Platin“, an zweetens an enger Versioun, déi déi nämmlecht Basisfaarw mat opfällegen Elementer a „University Red“ kombinéiert huet. Bestach hu béid Designen duerch hiert Flyknit-Uewermaterial mat natierleche Rillen an déi innovativ FlyWire-Stréckeltechnologie vun Nike, déi dem Fouss e Maximum un Halt ginn huet. Andeems ee sech beim Design op essentiel Materialie beschränkt huet, déi mat ultrallichtem Zwier mat der Air-Max-Suel verbonne goufen, entstoung e Sneaker, deen net just iwweraus liicht, mee och iwweraus flexibel war. Dës Approche war en Deel vum Nike sengem Zil, Sneakerfans d'Gefill ze ginn, wuertwiertlech wéi op Loft ze goen.

De Nike VaporMax bitt net nëmmen déi néideg Dämpfung, déi sech all Leefer wënscht, mee ass och ausserhalb vum Lafsport iwweraus beléift – dëst opgrond vu senger perfekter Balance tëschent Leeschtung a Style. Säi fréien Erfolleg huet de Sneaker awer net zulescht och verschiddene Kooperatiounen zu verdanken, dorënner zum Beispill déi tëschent Nike a Comme des Garçons, déi am Oktober 2016 am Kader vun der Paräisser Moudewoch fir déi éischte Kéier um Lafsteg ze gesi war. De 26. Mäerz 2017 gouf den Air Max Day mat engem fréizäitege Release gefeiert, an nach am selwechte Joer huet Nike weider Modeller erausbruecht. Wéi dës räich Geschicht weist, huet Nike den Air VaporMax als een op ganzer Linn modernen, sportleche Luxussneaker konzipéiert.