Nike Air Max 90

Air Max 90

Den Nike Air Max 90 ass eng kulturell Ikon. Zum enge wéinst sengem onverkennbare Stil, zum anere wéinst senger allgéigewäerteger Beléiftheet, sief et am Mainstream oder a verschiddene Subkulturen. Zu sengem Erfolleg dierft net zulescht den eenzegaartege Komfort vun der Air-Technologie bäigedroen hunn. All dës Qualitéiten hunn den Air Max 90 zu engem iwweraus aflossräichen Design gemaach.

Ursprénglech ënnert dem Numm Air Max III am Joer 1990 verëffentlecht, war den Air Max 90 – esou den Numm, deen de Sneaker krut, wéi en an de fréien 2000er an neier Oplag op de Marché koum – den Nofollger vum Air Max II (och Air Max Light genannt) an dee sengem Virleefer, dem Air Max 1 aus dem Joer 1987. Wéi d'Referenzen op seng Virgänger vermudde loossen, huet Nike sech mam Air Max 90 d'Zil gesat, den nächste Schrëtt an der Evolutioun vum Air-Max-Design unzegoen.

Designt gouf de Schong vum Tinker Hatfield, deen den Nike Air Max 90 als Produit vu senger Zäit presentéiert huet. Andeems hie sech u bestëmmten Eegenschafte vum Air Max 1 an dem Air Max Light inspiréiert huet, huet hien dem Modell e moderne Look verpasst. Zu dësen Eegenschaften huet ënner anerem eng Tëschesuel mat Phylonschaum gehéiert, déi sech am Kader vum Design vum Air Max Light als méi liicht erwisen hat wéi dat am ursprénglechen Air Max verwente Polyurethanmaterial. Gläichzäiteg huet e Mikrofaser-Mesh fir eng verbessert Ootmungsaktivitéit gesuergt. D'Uewermaterial an d'Feescht ware mat TPU-Asätz verziert, wéi ee se och scho vum viregten Design kannt huet, wärend hannert enger grouss TPU-Plack déi voluminéis Air-Eenheet an der Tëschesuel ze gesi war. Bestach hunn dës Elementer duerch e konturräichen Design mat gitteraartege Linnen, déi un déi aerodynamesch Heckfloss vu séieren, elegante Sportsautoe wéi dem Ferrari Testarossa erënnert an zum moderne Look vum Schong bäigedroen hunn.

Trotz senger dezenter Alldagsästheetik huet den Air Max 90 als Lafschong ugefaangen. Säi sportleche Kaliber hat en der voluminéiser Air-Eenheet an der Feescht, der décker Tëschesuel mat Schaumasaz, déi fir Fiederung beim Optrëppele gesuergt hunn, an der héijer Konstruktioun ronderëm den Enkel, deen eng Extraportioun Halt geliwwert huet, ze verdanken. Och wa seng funktionell Virdeeler op der Hand louchen, war den AM90 nach esou vill méi – tatsächlech huet de Modell e Paradigmewiessel an der Designapproche vun Nike bedeit.

Wéi och schonn déi viregt Editioune vum Air Max war d'Air-Eenheet an der Feescht e wichtege Feature. Wärend déi duerchsichteg Fënster vum Air Max 1 den technesche Fortschrëtt vun der Mark weise sollt, huet déi verbessert Air-Eenheet vum Nike Air Max 90 aus anere Grënn ervirgestach. Éischtens war se méi grouss wéi fréier Loftpolsteren, zweetens hat se ronderëm eng a verschiddenste faszinéierende Faarwen erhältlech Verzierung, déi d'Air-Eenheet androcksvoll ervirgehuewen huet. Den éischte Modell, deen e bedeitende Bäitrag zum Erfolleg vum Air Max 90 geleescht huet, koum mat esou enger Verzierung an der Fuerw „Infrared“ (ursprénglech „Hyvent Orange“ genannt) eraus, déi niewent der Feescht och nach aner Elementer gerëscht huet. Virun allem huet se opgrond vun hirem Asaz an der Tëschesuel vu sech schwätze gedoen, wou een duerch eng knallrout getéinte Fënster de gréissere Loftpolster an der Feescht bewonnere konnt, dee vun Nike ganz bewosst fir déi Leit ënnerstrach gouf, déi op der Sich no Sneakere mat méi staarker Dämpfung waren. Dank der Intensitéit vun hirem orange-rouden Toun gehéiert „Infrared“ och haut nach zu de beléiftste Faarwen.

D'Tëschesuel, déi an d'Uewermaterial iwwergeet a bis zum typesche Swoosh-Logo reecht, gëtt dem AM90 en harmoneschen, dynamesche Style, dee besonnesch an der Musekszeen op groussen Uklang gestouss ass. D'Entsteeung vun der Clubkultur an de fréien 90er goung Hand an Hand mat enger Nofro no gemittlechen, stabillen a stylesche Sneakeren. Gläichzäiteg gouf de Schong an der Londoner a Paräisser Underground-Hiphop-Zeen fir säin authenteschen Design bewonnert. Am Laf vun de Joren huet sech den Air Max 90 an de verschiddenste Subkulturen duerchgesat an zielt haut zu den unerkanntsten a beléiftste Sneakeren, déi Nike jee erausbruecht huet.